Kular u Conrad wow chna pynheh ya ka Kiang Nangbah Govt. College

Ynne ka sngi u Chief Minister ka jylla, u Conrad Sangma da chong yalang u wa u MLA ka Jowai deilang wa ki sahep ka chnat PWD ha CTC Orchid Inn, Thadlaskeiñ.

Ha kani ka yalang u Wailadmiki Shylla da e dorkhat u ha u Conrad wow pynlait poisa wow chna sa ya ki ar tylli ki Block ka Mini Secretariat neibhah wa da yoh ya ka Block wa nyngkong wei i kreh da man i iwa dadep kamwa 85%.

Heiyatoh wa ini neiliang u Conrad da ong u wa ini i dawa man iwa bha yeiwa ka sorkar leh da chimkhia ko neibhah wa i em ka Mini Secretariat daw pynsuk ko ya ki paidbah wei daw bichaar hajrong ini.

Chooh chooh u Wailadmiki da dawa u leh wow pynheh ya ka Kiang Nangbah Government College yeiwa u Conrad da kubur u wa da sdang wow pynbiang yeini wei daw pynheh noh ya kani ka College smat khnang wow ye u pdiang rap boon ki khynnah mynried.

Related posts

Na ki 8 ngut wa mynsoo ha Thangskoo kiwa chah sumaar ha NEIGRIHMS em kiwa em hapoh CCU wa ICU

February 7, 2026

Pynlait paidbah ka Frank Motors ya ka Tata Sierra 2.0 yow pynim biang ya kani ka kari wa bna naam  

February 7, 2026

U Conrad da ong u leh wa kamwa da pynbna i kreh ya ka Nursing College ha Jowai leh ym slem de daw sdang noh i.

Neiliang u Wailadmiki da dawa u leh ya ka Advance Life Support (ALS) Ambulance hapoh ka District wei yeini leh daw e noh ka sorkar khnang wow yoh yarap ki paidbah.