15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Kular u Conrad wow phah sylli ya ki karkhana Coke ha Elaka Sutnga, rai pyndam ki Dorbar Chnong ya ki NOC

Advertisement ad1
Advertisement ad1
Advertisement ad1

U Montri Rangbah ka jylla, u Conrad K Sangma ynne ka sngi da kular u wow phah ya ki bru sorkar wow lai pait lai sylli ya waroh ki karkhana Coke kiwa em hapoh Elaka Sutnga, East Jaiñtia Hills District chwa wow chim ya i rai wow khang ya ki kamwa da dawa da ka Environment Coordination Committee (ECC) ka Elaka Sutnga.

Ki dkhot ka ECC ynne i janmiet da lai dawa ki na u Montri Rangbah ka jylla wow pyndam noh ya waroh ki karkhana Coke wa em hapoh u pood ka Elaka Sutnga kiwa kynthup leh ya kiwa da biang ya ki kot ki sla.

Advertisement ad1
Advertisement ad1

Hawa yaklam wa kiwa pathai khubor ynne i janmiet, neiliang u Secretary ka ECC, u Pynbait Sutnga da ong u wa ha i yaklam wa u Montri Rangbah, ki paidbah ka Elaka da dawa ki wow pyndam noh ya waroh ki karkhana Coke neibhah wa waroh kini ki karkhana wanrah ki ya ka la’ær wa man bih kawa ye wow ktah ya kiwa chong chnong khamtam ki khynnah wa ki khonboo.

Da ong u leh wa neiliang u Montri Rangbah da kular u wow phah ya ki bru na ka sorkar wow lai sylli ya kini ki karkhana waroh kiwa em ha ka thaaiñ wei wow phah ki ya ka bui cha ka sorkar hajrong i man i long kini ki karkhana wei hadien ini ka sorkar daw chim ko ya i rai.

Hawa kylli won hajrong ka NOC wa da e da ki Dorbar Chnong cha kini ki karkhana, neiliang u Pynbait Sutnga da kubur u wa ki waheh chnong da chim ki ya ka rai wa bakla wow e NOC cha kini ki karkhana neibhah hawa sdang da em i kular wa ym em i chah ktah, da ong u leh wa katni hadien wa da yoo yeiwa sih wa mih na kini ki karkhana neiliang ki waheh chnong leh da chim ki ya i rai wow pyndam noh ya ki NOC wa dadep e cha kini ki karkhana.

Neiliang u heh ka ECC da pyntip u wa da booh por 5 sngi ya ka sorkar wow leh ko yeiwa emkaam wei lada ka sorkar ym leh ko iwon iwon, ka sorkar wow bahkhlieh lada jia iwon iwon.

Share this:
Previous

Daw chna da ka Khadi Plaza wa T. 2 klur tam ha Barik, Shillong

Next

Dang sylli bniah chwa wow pynku kyrdan ya ki thaw sumaar hapoh jylla: Prestone Tynsong