15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Advertisement ad1

Kular u Conrad wow wanrah ya ka C&RD Block ha Wapung

Advertisement ad1

Ynne ka sngi kiwa kitkaam ka Wapung C&RD Block Joint Committee chirup wa u montri ka sorkar jylla uwa man leh u MLA ka Khliehriat, u Kyrmen Shylla wa u MDC ka JHADC, u Lasky Rymbai da lai yachem ki ya u montri rangbah ka jylla, u Conrad Sangma ha kamra krehkaam yong oo heiyatoh wa i dawa wa da sahteiñ da ki boon snem.

Kam wow pynkynmoo heini ka Dorbar Chnong Wapung da e sñiawbha ko ya ka sorkar ya i thaw wa heh kamwa 2.6 Acre ha Wapung Chnong wa 10,127 Sqm ha Madan Satrang, Wapung Skur ha ka 21 Naitung 2017 wow chna ya ka Wapung C&RD Block wei ya u mooyurim wow chna ya kani ka yungkrehkaam da booh ha ka 22 Naitung (April) 2017 tangwa ka sorkar da pynmih hukum ko ha ka 9 Duiatra (January) 2018 heiwa da rai wow kyrriah ya ka C&RD Block na Wapung cha Lumchnong.

Hadien ini da mih i pyrchah wa i yakhih wot hadooh wa da haap pynman leh ya i pynsñiaw paidbah wei kamjooh leh da em kiwa da sdang dawa wow booh ya kani ka yung krehkaam jar jiar ha kini ki ar chnong (Separate C&RD Block).

Ynne ka sngi ha ini i yachem neiliang u Conrad Sangma da kular u ya ki wow wanrah ya kani ka yung krehkaam (C&RD Block) ha Wapung pyn hapoh uni u snem.

Share this:
Previous

Rai ka sorkar wow thied 83 tylli ki lieñsuiñ yapam LCA Tejas hei lut wa T. 45,696 klur

Next

Ye u Amit Shah wow wan cha Shillong, pynkhreh ka sorkar wow yaklam yaka ILP: Conrad