15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Kular u Dr. Mukul wow yarap ya kiwa rep slacha hapoh ka jylla

0 Comments
Advertisement ad1
Advertisement ad1
Advertisement ad1
Advertisement ad1

Tura: U Montri Rangbah ka jylla u Dr. Mukul M. Sangma ynne da pyntip u wa da e ya ka Single-Window Clearance da ka tnat Department of Commerce & Industries neibynta wow pynyaar ya ki karkhana slacha hapoh ka jylla khnang wow pyndap pynbiang ya kiwa rep slacha hapoh ka jylla waroh kawi.

Ya ini u Dr. Mukul da ong u ha ka yalang yong kiwa rep slacha wa tip kam ka West Garo Hills Tea Farmers’ Federation and Other Farmers wa da pynman da ka District Horticulture Department kam chibynta yong ka Agri-Horti Mission ha Rongram Horti-Hub wa em hajan ka Tura ha kani ka 29 tarik.

Advertisement ad1
Advertisement ad1

Ya kani ka yalang da pynman hapoh i hukum u Chief Minister uwa da pynsñiaw yei thrang i angnood  yong oo wow yachem wa kiwa thung slacha wow ap yei eh i khoo wa chem ki kamjooh yow pynchlur ya ki wow yoh ki ya ka Organic Certificate wa pynsakhiat wa ka slacha wa pynmih toh kawa khlem pynemkaam dawai.

Kani ka thaiñ katni da mih kiwa thung slacha hadooh wa da boon ka slacha tangwa ym ye de u pyllai yaw wei ym ye dor ki ka ka slacha.

Neiliang u Dr. Mukul da ong u wa emkaam u tipmit ka pyrthai ya kani ka slacha yow em katæ ka yaaw ya ka wei da pynchlur wow rep ya ka kam ka Organic Tea namo ka wym pynemkaam da ki dawai dachin wei ka sorkar da em ko ka Mission Organic wow yarap ya ki. Da kular u leh wow esikai ya ki warep wow chna sboh, ki dawai siat khniang kiwa chna na iwa e ka rymaw khlem pynemkaam da ki dawai wa chna u bru.

Kamtæ da khut lang u ya ki wow krehlang wa ka sorkar wei da e buit ya ki leh wa ym hoi u chaniah ki leh du ha uwi u jait joor wei emkaam leh u thung kam ya u Murit (Black Pepper) uwa ym emkaam thaw chiboon wow heh u san u. Da ong u leh ye ki u thung da ki chken ki siej, u dieñ Agar kiwa man ki mar wa ye dor bha.

Advertisement ad1
Advertisement ad1

0 Comments

Leave a Reply