theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Kular u Lat wow yaklam wa u Modi neibynta ki wakreh Mid Day Meal

Ka All Jaiñtia Mid Day Meal Workers Union (Central Executive Committee) Jowai, da yoh ki u yachem ynne wa u Lat ka jylla, u Satya Malik Pal ha Raj Bhavan, Shillong heiyatoh wow kyrpaad ya oo yow yaklam wa u Prime Minister ka ri, u Narendra Damodardas Modi wa ya u Montri Rangbah ka jylla, u Conrad K Sangma neibynta u pynheh ya ka nong ki wakreh kiwa chet ja sngi ya ki khynnah ha ki skur ha Meghalaya heiwa neiliang ka seiñ da ekti ko leh ya ka chithi wa da thoh cha u Modi.

Ki wakreh Mid Day Meal da ong ki wa i kreh ki toh iwa sdang nadooh 8:00 waje i step hadooh 3:00 waje i sngi tangwa da su ya ka Honorarium kawa T. 900 wa T. 100 iwa man T. 1000 chi bnai wei da su ya ki leh du 10 bnai na ki 12 bnai ha chi snem.

Advertisement ad1
Advertisement ad1
Advertisement ad1

Heiwa i kreh ki toh nadooh wow sait jhoor, ah jhoor, u pynbiang um yow chet, u khat ja wei wow sait tiar wei kamwa su katni da man ko du T. 32 donhi chi sngi wei manda su leh da su du chisien le bnai wei na kani leh dang sah sa ar bnai kawa ka sorkar daw su ko ha u snem wow wan.

Da kyntu ya ki bor wa pait wow su T. 4000 chi bnai wei neiliang ka sorkar jylla wow su ko T. 1000 yow poi noh T. 5000 chi bnai wei da kani leh dang man ko du T. 160 chi sngi, kamtæ ym toh iwa heh iwa da dawa ki.

Da dawa leh wow yow u chet ja da ka LPG ym toh de daka dieñ næ u rngaw wei toh leh u chah dam kreh lada kjut, lada yoh khon wei wow yarap ya ki khon hawa poi ki chakhmat ha i puræ puthi i yong ki wa kiwi kiwi de ki kyrpaad.

Neiliang u Lat da ong u ya kiwa yahkhmat ka seiñ wa daw yaklam u wa u Montri Rangbah ka jylla wei daw phah u ya ka chithi cha u Prime Minister ka ri India wei heijooh i por lada dawa ka kaam wow yaklam u wa u Modi.

Kamjooh leh ki wakreh Mid Day Meal da pynsñiaw ki yei sñiawdiaw ya iwa su poisa ka sorkar Meghalaya du soo bnai donhi na ka san bnai kawa toh u su, ka yong u snem 2021. Ini iwa ksoh ka sorkar Meghalaya ya ka poisa kawa du T. 1000 donhi chi bnai yong u bnai Khonchonglad 2021, da pynsuba boon jait ya ka sorkar Meghalaya.

Advertisement ad1
Share this:
Previous

Yah luti ka Meghalaya wow yada na ka Cancer

Next

Lai e yarap ka KSU Wahiajer Unit cha ka thaw ri khonswet