Kular u Modi da ka aiñ wa khor ya kiwa emkti ha ka Paper Leak

U Prime Minister, u Narendra Modi ynnin ka 23 tarik da kular u wow chimkhia ya ka Paper Leak, wei ini wan i hadien wa pynjoor ka CJP yei yakhih heiyatoh wa ka NEET-UG 2026 Exam.

Ha i Video wa da booh ha Social Media, u Prime Minister da pynbna u wa ka Union Cabinet daw pyrkhat ko ya ka Bill wow em ki Fast-Track Court wow pynkhor wei pynchitom ya kiwa emkti ha ki kaam pynlait-tooh ya ki thup kylli Exam.

Da ong u wa ki Paper Leak ymtoh ki kaam wa khian neibhah wa chah ktah ki lak ngut ki khynnah kamtæ ha ki bnai wa dadep da leh ya ki kaam wow pynchitom ya kiwa emkti wei katni da em ki ha patok. 

Chooh chooh da ong u wa iwa kongsan dooh ya ka sorkar toh wow pyntikna wym sepai i puræ ki khynnah neibynta waroh chi snem ka sorkar da leh ko kat iwa joh i bor wow pynman ya ka Exam neibynta ki 22 lak ngut ki khynnah wei da pynbna leh ya ka result ha ka 19 tarik.

Related posts

Khut sñiawbha ka Dorbar Chnong Namdong-A cha ka Tamasa Rong | Da pynbna leh ya ka sngi pynlait dukan

August 16, 2026

Dawa sa ki ar seiñ wow pyndooh pyndam noh ya ka Public Hearing ka Shree Cement hapoh 15 sngi

August 16, 2026

U Modi da ong u leh wa da phah ya ki chnat wow chna ya ki Fast-Track Court wei da kreh ki khlem sangeh wow pynkhreh (Draft) ya ka wei ya ki kyndon kini ki Fast-Track Court daw pyrkhat myntu ka 24 tarik hapoh ka Cabinet.