theme-sticky-logo-alt
theme-logo-alt

Kular u MR ka Manipur wow yada ya ki Khasi wa em ha Tamelong wa Jiribam District  

Ka KSU Central Executive Council kawa kynthup ya u Donald V Thabah, wa ki dkhot ka KSU Barak Valley Circle Assam, ki dkhot ka Barak Valley Khasi Jaiñtia Welfare Organization, ka All Manipur Students’ Union, ka KSU West Jaiñtia Hills District Unit, ka KSU East Jaiñtia Hills District Unit, ka Rongmei Naga Students’ Organization Manipur, ki Waheh Chnong yong ki le chnong wa chong wa sah ki Khasi Pnar wa i yahkhmat u Sinam Prakash Singh uwa man u Secretary General ka NESO da lai yachem ki ya u Montri Rangbah ka Manipur, u N Biren Singh. 

Ini i yachem yong ki ynne i janmiet toh hajrong i chah thombor ki Khynriam, ki Pnar ha ki Bengali kiwa wan kam tooh ya i thaw yong ki Khynriam, ki Pnar kiwa boon toh ki jait Shylla, Suchiang wa Suchen. 

Neiliang u Biren Singh hadien wa ap u yei ujor ka KSU da Phone u ya u DC ka Tamenglong wei da hukum u wow beh noh ya kini ki Bengali na kini ki thaw. 

Da phah u leh wow kem ya ki Bengali lada pyndik ki ya ki Khynriam, ki Pnar. 

U Biren Singh da pyntip u wa i kaam ym kut i du heitæ tangwa daw pynemkaam da ka aiñ ILP wow beh ya kini ki Bengali na Manipur. 

Kini ki Khynriam, ki Pnar toh kiwa da sah ha Manipur nadooh u snem 1939 wei ha i chnong Khedagar Khasi da em ki kamwa 600 ngut kiwa chong chnong hei thaw wa heh 200 Hectare heiwa kamwa chitieñ da wan wow chong chnong da kiwi. Ha Abam Punji da em ki 1010 ngut ha i thaw wa heh 160 Acre katwa ha Kamrangha Khasi da em ki 1500 ngut ha i thaw wa heh 190 Hectare heiwa 120 Hectare toh kiwa da chah knieh.

Kini toh kiwa da imja deiwa rep pathi.

Kiwa chong chnong toh kiwa da biang leh ki kot ki sla wa man ki kam ki tre thaw.

Neiliang ka KSU da e khublei ko leh ya ka Manipur University Students Union.

Share this:
Previous

Sdang ka e sikai seiñ khih wa 45 sngi u Wailadmiki Shylla

Next

Wiar syndet ka IGNOU Study Centre na Sohkha Mission