theme-sticky-logo-alt
theme-logo-alt
Advertisement ad1

Kut i e por ka JAC ya u DMHO, daw sdang daka yakhih neibynta ka Namdong PHC

Ka Joint Action Committee kawa kynthup yaka FKJGP, KSU Namdong Unit wa ki Waheh Chnong yong ka thaaiñ Namdong hadien wa da dep e por ya u DMHO West Jaiñtia Hills iwa chi tayaw wow pynbiang ya iwa duna ka Namdong PHC.

Hadien wa i e por da kut noh i wei i dawa ym em man kaam ki, neiliang ka Committee hapoh i yahkhmat u Chairman ka JAC u DS War uwa man leh u Chief Organising Secretary ka FKJGP Jaiñtia Hills Zone wa u Secretary u Juhhi Tariang wa man kam u Secretary KSU Namdong Unit da chim ki ya i rai wow pynman syndon da ka yakhih paidbah neibynta wow dawa pynmankaam ya i duna yong ka Namdong PHC kiwa ka JAC da dep pynsñiaw cha ki bor wa hajrong lyngba u DMHO.

Ya ka tarik wow pyman ya ka yakhih daw pynbna chi sngi chwa ka yakhih neibynta i duna ha kani ka PHC.

Ka JAC da ong ko wa neidaw wa boon ki eh wa ki bru hap maad ki nadooh i wym biang ki wakreh ka PHC kamwa toh u em, kamtæ lyngba i sur yong ki waboon walang da chim ya kani ka luti wow ya mih paidbah neibynta i miat i bha yong ki paidbah heiyatoh wa i chait i khiah.

Advertisement ad1
Share this:
Previous

MCA U-14 Inter District Tournament: Jop ka Shillong waka East Jaiñtia

Next

Pynhiar ka sorkar ya i bai Test COVID-19