Jowai: Ka Khasi Students’ Union War Jaiñtia Circle hadien ka yalang kawa da pynman wa kiwa challan moo namo ki Exporters cha ri Bangladesh ha ka 11-05-19 ha I.B. PWD, Dawki heiwa da em ka yakut wow e por chi bnai wow beh noh ya ki truck baar jylla kiwa wan kamai pyrchah yaka aiñ haka thaaiñ War Jaintia.
Ynne ka sngi i e por da poi ko cha wakut wei ka seiñ da kyntu ko ya waroh ki Exporter kiwa chim wai ya ki kari baar jylla wow phah liwan noh chi syndon ya kini ki truck katkam ka yakut wa i kular waka seiñ haka yalang wa khaddooh.
Neiliang ka seiñ da ong ko wa ym chong kli kti ko hajrong kani ka kaam wei daw booddien ya em ki bru wa chim kabu wow khwan myntoi samen.
Ka seiñ da e khublei ko cha waroh ki Exporter kiwa challan moo cha Bangladesh wa da ya krehlang ki waka seiñ hadooh kini ki sngi.
Ya kani ka kyrwoh da phah da u Lurman B. Talang, General Secretary.
Also Read: Kular kiwa khayi moo ka thaaiñ War Jaiñtia wow pyndam noh u pynemkaam ya ki truck ki baar jylla
Discussion about this post