Ka Jowai Presbyterian Higher Secondary School, Jowai ynnin ka 29 tarik da pynkut ko yaka Joint Sports Meet 2024 kawa da pynman kam chibynta yong ka lehkmen dap 25 snem namo ka Silver Jubilee ka skur ha Kiang Nangbah Stadium.
Ha kani ka sngi da em ka yalang heiwa da yoh ya ki kyntien pdiang burom na u Rev. C.L. Laloo.
U Khroobok Passah, District Sports Officer (DSO) ka West Jaiñtia Hills District da man u kam u kongsan wei hawa e yei klam da ong u wa ka West Jaiñtia da ku ko ha waroh ki liang heiyatoh waka Sports, tangwa iwa emkaam toh ha kam katni i por wow e mynsien wei u pynchlur ya ki khynnah hei wow chimbynta ki ha ki Sports waphær waphær.
Da ong u leh wa chirup wa i yalehke Sports emkaam leh u minot ha i puræ puthi.
Ha kani ka sngi da em leh ka Mass Drill na ki khynnah skur yong ka Jowai Presbyterian Lower Primary School.
Da saam leh ya ki khusnaam cha ki khynnah kam ka Best Athletes ha ka Sub Junior Boys cha u Hauni Shylla na ka Yellow House, ka Sub Junior Girls cha ka Beliveth Suna na ka Red House, ka Junior Boys cha u Dameyoo Kyndiah na ka Green House, ka Junior Girls cha ka Naphisabet Suchiang na ka Green House katwa yaka Senior Boys da yoh u Mehimaia Dan na ka Blue House, ka Senior Girls won da lai cha ka Wallambok Langbang na ka Yellow House.
Ya i naam Best Team da yoh da ka Red House, wei hadien waroh ini da rwai pynkut yaka School Anthem, wei da pynhiar yaka lama da u kongsan.
Hawa pynkut da e yei kyntien khublei kyrkhu kyrdoh da ka Secretary yong ka Sports Association and Entertainment, ka Grace Chullai.
Discussion about this post