Ka Khun Hynñiewtrep National Awakening Movement (KHNAM) da pynsñiaw ko wa ka Reservation Policy toh u krehkaam lang ko 80% ya ki Khasi-Jaiñtia wa Garo deiwa yaleh katkam i stat namo ka Merit.
Hawa klam wa kiwa thoh khubor hadien ka yalang ki seiñ saiñpyrthai wa da khut da ka Committee hajrong ka Reservation Roster wa Reservation Policy, u President ka KHNAM, u Pyndap Saiborne da ong u wa lada ka sorkar jylla ym bien ko wow leh yeini, toh u e bhah 50% ya ki Khasi-Jaiñtia neidaw wa da bood paaid ki ya ki Garo.
Najrong ini, da ong u wa ka Reservation Policy ha ki kaam kiwa mih ha ki District Level kitæ ki kaam wa mih ha Khasi Hills toh u yoh 80% da ki Khasi-Jaiñtia wa ha Garo Hills won 80% da ki jaitbru Garo.
Da ong u wa ka sorkar da toh u pynkylla ya ka Office Memorandum kawa mih ha ka 20 tarik uni u Naisan wa da ong wow pynsangeh thung kreh kat wym pu dep pynbait ya ka Roster.
Neiliang u Thomas Passah, Vice President da ong wa ka Reservation Policy ym toh ka phang yaklam wa dang thymme neibynta ka Party tangwa da dep rai wow yaklam boonsien.
