15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Kwah ka KSU wow pynbait ya ki kaam, ye u khut yaklam ya ki: HDR Lyngdoh

0 Comments

Shillong: Hadien i yakhih wa da jan dap chi tayaw mynstep ka sngi, ynne i janmiet neiliang u Montri ki kaam pohyung ka jylla u H.D.R Lyngdoh da ong u wa ka sorkar jylla daw pyrkhat ko wow khut yaklam ya ka Khasi Students’ Union (KSU) tangwa toh u sangeh chwa ko ya ki kaam tyngkheiñ aiñ.

“Nga kwah O u khut yaklam ya ka KSU wei ynnin ka sngi kiwa kitkaam yong ka seiñ da wan yachem ki wa nga wow pynsñiaw wa kwah ki u yaklam wow pynbait ya ini i kaam” da ong u Lyngdoh.

Ini i klam u Lyngdoh toh hadien wa hiar thma ki dkhot ya ya ka thaw wa chna ya ka Station rel ha Ronghona, Ri-bhoi District ha ka sngi Chohthat kani ka tayaw wa da dep wei ini i yakhih da poor i ha kylleiñ ka Khasi wa Jaiñtia Hills.

Heijooh i por u Montri da ong u “ymye u kyntait wa ini i yakhih ye i u yatoh wa i kaam saiñ pyrthai neibhah wa da jan ka Election tangwa ympu ye u pynsakhiat yeini”.

Hajrong i pyrchah ka KSU ya ka luti rel da ong u wa ka sorkar jylla ym ye ko u luchia yei kaam ka sorkar pyrdi tangwa ye ko u yaklam hei yatoh wa ini.

U Montri da ong u wa i man i long ka jylla khamatam i suk i saiñ ym thut i neibhah wa ki pulit dang leh ki yei kaamram yong ki.

Hei yatoh wa ki dkhot ka KSU wa chah kem da ong u wa ka sorkar ym ye ko u leh iwon iwon hajrong ini neibhah ya i kaam dang bichaar ya ka daka Yung Kasari dang sah i.

Neidaw ini waroh, ka KSU da kyntu ko ya ki paidbah ka thaiñ Ri-Bhoi wow dam ki u embynta ha ka lehkmen dap 25 snem ka District, kamtæ u Lyngdoh da ong u wa ki paidbah toh u yachim bynta ki neibhah toh ka sngi wa kyrpang wa kyrpang ka District.

Previous
Next

0 Comments

Leave a Reply