Ka Dorbar Chnong Namdong-B lyngba u Waheh Chnong, u D.S. War da pynsñiaw u yei sñiawngooh ya waroh kiwa da yarap hei kylla ka Bus wa kit ya ki dkhot ka Seiñ Khynroo Khyllood Katholik Namdong, kiwa wan Convention na Amlarem Parish iwa da jia hei miet ka 8 tarik uni u bnai heipor wa liwan.
Ini toh iwa da jia ha ki bynta ka Shkentalang heiwa da em 46 ngut hapoh ka Bus kiwa 14 ngut ki chynrang wa 32 ngut ki kynthai wei da mynsoo malu mala 19 ngut wei kiwa rap chitom da em ki 11 ngut.
Neiliang yong ka chnong pynsñiaw ko yei sñiawngooh wa khroo ya kiwa yarap ha ini i jia wa lyngba i e yarap da ye wow pynpoi cha ki Hospital ya kiwa mynsoo kiwa da yoh yei chait katni.
Da e khublei leh ya ki paidbah, ki lok ki jor, ki waheh chnong, ki phadar ki Sister ka chnong Amlarem, kiwa kitkaam ka Seiñ Khynroo Khyllood Katholik Amlarem Parish, ki Doctor, ki Nurse nadooh ka Nursing Home Amlarem, Civil Hospital Ialong, Dr. Tunnel Hospital Jowai, Woodland Hospital, ki pulit, kiwa sumaar ya kiwa kheiñ napoh Amlarem kiwa da yarap wut-wut wow e sumaar wa jhan.
