Ar sngi chwa wow thap Vote ka Lok Sabha Election ha Andhra Pradesh, ki pulit ka East Godavari da yoh ki wow kem poisa kawa kamwa Rs. 7 klur na kawi ka kari wa da kylla haka 11 tarik uni u bnai.
Kani ka kari Ashok Leyland Pickup toh kawa da chah tyrrah ha kawi ka Truck wei manda kylla ko da haap ki synduk kot boon tylli wei ini i thaw wa jia toh iwa tip kam i Anantapally ha Nallajarla Mandal wei kani ka kari toh kawa dang mut u lai cha Visakhapatnam kawa wan na Vijayawada.
Heipor wa jia ini, ki paidbah da yoo ki yei em ki bru wa thap ya kini ki synduk hapoh churia wei da pyntip ki cha ki pulit kiwa dapoi smat wei da chem ki toh wa em poisa hapoh kini ki synduk kiwa em 7 tylli.
Hadien wa rah cha Police Station wei hadien wa dep niaw da chem wa da em Rs. 1 klur ha kawi ka synduk.
Uwa yah kani ka kari da mynsoo u heipor wa jia ini wei da kit ya oo cha Gopalapuram Hospital.
U SP ka East Godavari da pyntip u wa ya kini ki synduk da kynset lang ki hakhap kiwi de ki mar wa kit kani ka kari wei ka takit dang lai ko chakhmat yow tip neiwon mih kani ka poisa.
Kam wow pynkynmoo wa ha Andhra Pradesh ka sngi thap Vote toh ha ka 13 tarik.
Discussion about this post