Ka KSU Laban Circle ynne i janmiet da lai khyndang ko ya kawi ka Shelter Home kawa em ha Kenches Trace (Harrison Bridge), Shillong hadien wa poor iwi i Video ha ki rynsan Social Media wa boon ngut ki bru chynrang wa kynthai da ya jooh dih wei dai drugs ki ha kani ka Shelter Home kawa kylla kam ka ktem drugs.
Ka seiñ da ong ko wa da pyntip cha ka wa kani ka thaw da man ko leh kam ka thaw wow leh ya ki kaam dakait wei kawa laitlan hadooh kattæ kattæ wei ym em wa pait ya kani ka thaw da ki bor pynlai ka Shillong Municipal Board.
Marsien tip yeini, ki dkhot yong ka Circle deiwa synraan lang ki pulit yong ka Laban Police Station da lai hiar ki cha kani ka thaw wei da chem ya ki thyrnia wa ki tadong booh drugs tangwa ki bru wa dai drugs ym em de ki ha kani ka thaw.
Tangwa da yoh yei pyrtuid kini ki bru chynrang wa kynthai kiwa jooh myllien ya ini i kaam wei da pyntip cha ki pulit ka Laban Police Station yow leh ya iwa emkaam.
Ka seiñ ha kini ki sngi daw lai booh dorkhat ko cha u CEO ka Shillong Municipal Board wow toh u booh noh da ki Security Guard ha kani ka thaw wei toh u beh noh wut-wut ya kam kini ki bru wa emkti ha kam kini ki jait kaam wei neini chakhmat chwa wow e thaw sah ya kiwon kiwon toh u thooh bniah ya kiwon kiwon ki bru.
Discussion about this post