U MLA ka BJP, u AL Hek da yada u ya ka lehkmen Durga Puja ha RR Colony, deiwa ong wa da jooh pynman ya ka la 60 snem hapoh u pood ka mandir kammon won u kyrriah ya ka chawi.
Da ong u wa ka Durga Puja ha RR Colony phær ko na kiwa lehkmen kiwi ha sarok kiwa pynthut yei lai i wan ki kari.
U Hek da kyrchaan u leh ya i hukum ki bor District wow chah u chna Pandal ha sarok neibynta uni u snem neibhah u kyrriah yeiwa dadep u pynkhreh da man ko iwa chitom.
Da ong u wa yada u ya ka lehkmen ha RR Colony toh wa da sakhi u pyn da-oo hi yeiwa jooh leh.
Ini wan i hadien wa em ki seiñ kiwa da sñiawkhia wa ki Pandal ki Durga Puja pynthut i ya ki sarok wei kamjooh lada i lehkmen ha RR Colony u neh i kamjooh.
Heiyatoh wa ini, u DC da ong u wa u chah wow chna Pandal ha sarok ha RR Colony tangwa ym chah de ha u snem wow wan wei daw phah leh ki pulit wow em heini yow lait u sakhut ki kari.
Ha Shillong ha uni u snem da em 69 tylli ki Pandal.
Discussion about this post