Kamwa da tip ka 8 tarik u Naikhynde khlieh u snem toh ka sngi kyrpang i puræ puthi ha chityllup ki ri ka pyrthai kawa tip kam ka International Literacy Day.
Kamtæ ki bor pait bor pynlai ka R.C. Evening Secondary School Mihmyntdu, Thadlaskein Block ha ka thong yong kani ka sngi ha uni u snem kawa ong ‘Promoting Literacy for a World in Transition: Building the Foundation for Sustainable and Peaceful Societies’ da pynman ko ya ka yalang kyrpang hei chimbynta ki khynnah skur, kiwa sikai wa ki dkhot ka Manging Committee.
Ha ka yalang wa man hei pynlai ka Baia Phawa, Asst. Teacher, ka Tina Lakiang, Secretary School Managing Committee da klam khana ko chaphang ka Special Training Centre wa ki bynta wa yatoh wei puræ puthi ki khynnah kiwa wan na ki manyung wa ban i dooh i tymbuiñ wei da ong ko leh i em yong ka Special Training Centre wa da yarap na ka yung krehkaam yong ka District Mission Coordinator, SSA-SEMAM West Jaiñtia Hills man i i kyrkhu wa khroo ya ki khynnah wei dap ko leh dei sñiawngooh wa khroo yei kreh chitom yong kiwa sikai nadooh i por step hadooh i sngi.
Chooh chooh wow khriñ yei pyrkhat pyrdaiñ ki khynnah hajrong ka phang yong kani ka sngi wa ong ‘Promoting Literacy for a World in Transition: Building the Foundation for Sustainable and Peaceful Societies’, ka Jessie Biam, Asst. Teacher da e ko i klam i batai wa bniah wei da kyrsu kyntu ko leh ya ki khynnah wow yakrehlang hei wow pyndooh jait yei em ki khynnah wym tip u thoh u purae.
Najrong i klam i batai da pyntasbah leh ya ki kaam wa boon jait hei dur yong ki yakob kiwa kynthup ya ka Drawing, Painting, Recitation, Poem Writing wa kiwi kiwi.
Discussion about this post