U Montri ka chnat bordiñ ka jylla u Abu Taher Mondal da ong u wa i man i long ka yingkieñ Dam Umiam kawa psa bordiñ ya ka jylla dang man ko kawa skem, wei ya ini da chem da ki stat na ka IIT Guwahati katkam ka bui (Report) ka wym pu man pura.
Da khana u wa hadien wa wan Test ki ya ka yingkieñ, da phah ki ya ka Report ka wym pu dep pynbiang pura, heiwa da pynyoo wa ka yingkieñ dang biang ko wei ka Report wa pura daw phah hadien. Tangwa da ong ki wa emkaam wow chna pynmiat ya ki chaka ki Bearing yong ka yingkieñ wei ka sorkar dang thied ko ya ki na baar.
Da khana u leh wa da chna ya ka Joint Committee hapyrdi ki sahep ka PWD wa ka MeECL wow puræ wow bichaar bniah wei daw rah cha ka dhab ki Montri wow yaklam yeini.
Chooh chooh da ong u wa ha i por wow kylliang ya ki chaka ki Bearing wa da sarang ha ka yingkieñ, daw hap pynsangeh yei lai ki kari kamwa 8 kynta wei hadien ini daw chah wow lai chwa du da ki kari wa stiñ.
Discussion about this post