Ki para wa ngait ka Balang Catholic kamwa da jooh leh man-u-snem, ynne ka 2 tarik u Khonchonglad kawa tip leh kam ka All Souls’ Day da kynmoo tympang kynmoo warom ki ya ki mynsien kiwa da khlaad noh na sla pyrthai deiwa booh syntu, thang mombati wei pynman i duwai ha u lum tlep-bru khnang wa kitu kiwa da khlaad u yoh ki yei maap yow poi cha beiñ.
Kamtæ ynne ka sngi da sakhi wa neiliang ka Balang Catholic Jowai leh da pyndep ko ya kani ka bynta ha u lum tlep-bru ka Balang wa em ha Moosalyngkat Jowai hei yahkhmat u Fr. Ferdinand Dkhar, Bishop ka Jowai Diocese.
Ha kani ka sngi chwa u thang mombati da em chwa i ngooh i dem wei i sait pap ya waroh kiwa da khlaad noh heiwa da pyndep leh ya ka kñia Mass Wa Khooid deiwa chimbynta da ki Phadar, ki Sister, ki waheh Balang wa kiwa ha-yung ha-sem kiwa da khlaad.
Katkam i ngait ki khon ka Balang Catholic, i mynsien kiwa khlaad lai ki cha le tylli ki thaw. Kiwa yap khlem em i leh pap wei im katkam wa da booh u Blai lai ki cha bnieñ. Kiwa da joor i pap kiwa ym em pynkylla yei rukom im bakla yong ki lai ki cha dujok. Kiwa em ha pyrdi won poi ki cha ka Diñ Pynkhooid (Purgatory) heiwa da ngait wa boon kiwa khlaad neh ki ha ini i thaw.
Kamtæ ka All Souls Day da pynman leh yow yasaaid neibynta kiwa da khlaad yow poi ki cha bneiñ.
Discussion about this post