Tura: Ynne ka sngi ha Tura da kynmoo waroom ïa ka lyngkhooh snem wa 25 yong ka sngi yap u Captain Williamson A Sangma deiwa pynman ïa ki yakop Essay & Painting hapoh ka Conference Hall ka SMELC ha Dakopgre Tura. Da chimwynta da kiwa boon ki khynnah skur yong ka chnong Tura.
U Captain Williamson Sangma man u, uwi na ki nongsaiñhima sima ka jylla uwa pawkhmat bha ha ka yakhih yow yoh ïa ka jylla Meghalaya. Da kha ïa oo ha ka 18 Naichiphaw 1919 ha Baghmara ha South Garo Hills wei da khlad u ha ka 25 Nauvhiphaw 1990.
Ha i por yong oo kam u nongmihkhmat ki paidbah da dep maman u leh kam u Chief Minister wa nyngkong yong ka jylla Meghalaya nadooh ka 2 Naitung 1970 hadooh 3 Wisu 1978. Da sdang u u em ha ki kaam saiñhima nadooh u snem 1952 wei ha ka 16 June 1954 da yoh u man kam u CEM ka GHADC wa nyngkong. Da man u leh kam u Lat yong ka jylla Mizoram deini da maan u leh u jait bru Garo wa nyngkong dooh u ksoh ia ini i kyrdan.
Chwa u maan u kaam nongsaiñhima da maan u leh uwa ksoh ia ka kyrdan Captain hapoh ka Indian Army.
Discussion about this post