Ki result ka 2nd Division wa ka Super Division ynne ka sngi

Jowai: Ynne ka sngi ha ki artylli ki ialehke kynjatbol ha pyrdi ka West Madan Mustem SC pyrchah ia ka Pynthor Langteiñ SC ha ka 2nd Division waka Sohmynting SC pyrchah ia ka Chutwakhu SC ha ka Super Division da kut ka iakhun wa nyngkong ha pyrdi ka Mustem wa ka Pynthor 1-1. Ia ka kol iong ka West Madan Mustem da thap da u Chemikhroo Lyngdoh ha ka minit wa 29 wei ia ka Pynthor Lanteiñ da thap da u Shiboon Lipon ha ka minit wa 52.

Ha ka iakhun Super Division won da jop ka Sohmynting ia ka Chutwakhu da 4-2. Ia ki kol iong ka Sohmynting da thap artllyi da u Deiwomsa Kyndait ha ka minit wa 4 wa ka 67. U Teibor Dkhar da thap u kawi ha ka minit wa 45+1 wa u Bisharlang Pyrtuh da dep u kawi ha ka minit wa 81. Na ka liang ka Chutwakhu u Samedonhi Rymbai da thap u ha ka minit wa 18 wa Daniel Gassah ha ka minit wa 71.