December 30, 2016

Kynmoo warom ka AJYWO ya u Kiang Nangbah

Advertisement ad1

Khliehriat : Ka AJYWO Central Body hapoh i yahkhmat u president yong ka u M.H. Dkhar, hei emlang u Justine Dkhar, MLA, wa ki dkhot ka KSU Khliehriat Circle wa kiwi kiwi ynne ka sngi da kynmoo warom ki yei dap 154 snem ka sngi yap u Woh Kiang Nangbah, u Khla-wait ka Ri Jaiñtia.

Ya ini i kynmoo warom da pynman ha ka yalang wa tbian, deiwa booh syntu ha u Motdur yong oo ha ka yungkrehkaam wa thymme u DC ha Khliehriat.

Ha kani ka sngi u Justine Dkhar hei klam da ong u “I kam kiwa na ri-loom Jaiñtia toh u sñiaw sarong i wa em khla-wait wa khroo u yong i uwa da e yei mynsien wow yaleh pyrchah yei synchaar embor ki pharæng nadooh u snem 1835 ter ter”.

Da ong u leh wa ymtoh wow kynmoo hi-eh i ya oo tangwa emkaam leh u boodien ya ki kaam wa da leh u.

U M.H. Dkhar, President da ong u wa ka 30 Kmaichonglad 1862 toh ka sngi wa doom tam ha ka khana pateiñ ka jaitbru neibhah toh ha kani ka sngi da chah pasi u khla-wait ka Ri Jaiñtia.