15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Kynmoo warom ka District Social Welfare ya ka sngi ki kynthai

0 Comments

Jowai: Ka yungkrehkaam ka District Social Welfare, West Jaiñtia Hills ynne ka sngi da lehkmen ko ya ka sngi wa kyrpang yong ki kynthai kawa tip leh kam ka International Women’s Day ynne ka sngi ha Community Hall ka Dorbar Chnong Chyrmang Neiñ hajrong ka phang “Press for Progress”, heiwa ka Tina Lakiang, ka dkhot ka Child Welfare Committee, West Jaiñtia Hills da man ko kam ka kongsan katwa ka M. Pde, District School Education Officer da man ko kam ka symbood kongsan.

Ka kongsan hei klam yong ka da ong ko wa ka kynthai em ko i bynta wa emkaam ha waroh i liang wei i mynsien yong ka wow syndong u sumaar sukher wow yahluti ya ki khon ki kti da man ko u chrot wa khlan bha ha ka imlang sahlang

Hei yatoh waka phang ha uni u snem kawa ong “Press for Progress”, ka M.Pde da kyntu ko ya waroh ki manbei manpa wow phah skur ya ki khon yong ki iwa man wa emkaam dooh ha kini ki por wei du nei biang ka puræ puthi wa i kreh chitom ye u lai cha khmat.

Ka L. Suchiang, kawa man ka muktiar kawa kreh hapoh ka District Legal Services Authority da pynsñiawthooh ko yei hok ki kynthai wa da pynkup da ka aiñ.

Ka J. Synnah, District Social Welfare Officer ha i klam yong ka da ong ko wa kani ka sngi toh kawa emkaam bha neibhah wa pynkynmoo ko ya kawi pa kawi ka kynthai yeiwa da kyrkhu u Blai ha ki wei da ban joor ko leh yei emkaam wow seiñ ya ki seiñ kynthai yow ye u wanrah yei kylla hapoh ka imlang sahlang ha waroh ki kyrdan.

Previous
Next

0 Comments

Leave a Reply