theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Kynmoo warom ka Hima Nongkhlaw ya ka lyngkhooh sngi yap wa 186 u Tirot Sing

Advertisement ad1

Kam chibynta wow kynmoo warom ya ka lyngkhooh sngi yap kawa 186 yong u Tirot Sing Syiem, ka Hima Nongkhlaw da pynman ko ya artylli ki yalang kynmoo warom ya uni u khlawait ka jaitbru Khasi ha Mairang wa ha Nongkhlaw ynne ka sngi.

Ha Mairang, ha ka yalang wa pynman da ka yung krehkaam u Syiem ka Hima Nongkhlaw ha Madan Mot Tirot kawa em ha Mairang Mission, da yoh wow wai ya u mot wa chirynyieñ yong u Syiem Tirot Sing da u Lamphang ka Yung Dorbar Chna Aiñ ka jylla uwa man leh u MLA ka thaaiñ, u Metbah Lyngdoh deiwa emlang u MDC ka thaaiñ u Batskhem Ryntathiang, u Syiem ka Hima Nongkhlaw, u Paiem P.M. Syiemlieh, u Montri ka Hima Nongkhlaw, u Boldness L Nongum, u Director ka chnat Tourism ka sorkar jylla u Cyril VD Diengdoh, u Additional Deputy Commissioner wa pait ya ka Mairang Civil Sub-Division, u A. Nongbri, u Block Development Officer ka Mairang Block, u V. Swer wa kiwi de ki bru rangbah ka thaaiñ.

U Metbah Lyngdoh hei klam da e khublei wa kyrpang u ya ka chnat Tourism ka sorkar jylla wa ya waroh kitu kiwa ya embynta hei wow pynmankaam ya kani ka kaam khamtam dooh ya u Syiem ka Hima Nongkhlaw wa ki Montri ka Hima Nongkhlaw neibynta wa pynmiat wei wow pynphooh pynphieñ ya ka Madan Mot Tirot khamtam ya u mot wa chirynyieñ yong u Tirot Sing Syiem uwa da chna yow taan ya kiwa uiñke suwari wei wow pynyoo pyrthai ya i naam wa khroo yong u Tirot Sing Syiem.

Ha ka yalang wa pynman ha Nongkhlaw da ka Tirot Sing Syiemlieh Death Anniversary Committee, Hima Nongkhlaw ha Patriotic Home, Nongkhlaw. U Metbah Lyngdoh hawa e yei klam kam u kongsan da ong wa ki bru wa khroo ka jylla kiwa kynthup ya u Tirot Sing Syiem, u Pa Togan Sangma wa u Kiang Nangbah da burom ym du da ki paidbah ka jylla Meghalaya, da tipmit leh yei chlur wa i wym kheiñ de ya idæ da ka ri India hi waroh kawi.

U MDC ka thaaiñ, u Batskhem Ryntathiang uwa da wan kam u Symbood Kongsan ha kani ka yalang, ha i klam yong oo da ong u wa kam kiwa chong chnong da yoh i chiboon i sikai nei rukom im yong u Tirot Sing Syiem wei iwa rap kordor toh wow maya ya ka ri wa i khyndaw, ka riti dustur wei da kyntu u leh ya kiwa chong chnong ka Nongkhlaw wow ri yei naam i burom wa ka parom u Syiem Tirot Sing ha ki por waroh.

Kiwi de kiwa da klam ha kani ka yalang ha Nongkhlaw kynthup ki ya u Syiem ka Hima Nongkhlaw, u Paiem P.M. Syiemlieh wa u Sordar ka chnong Nongkhlaw, u Kyrmen Dkhar.

Share this:
Previous

Pynkup burom ka Tympang Iawmusiang ya kiwa thoh khubor

Next

U Test ka Assam ya waroh kiwa wan hanla dadep ki wow yoh tika