Jowai: Ka Hynñiewtrep Youth Council-West Jaiñtia Circle, kam chibynta wow kynmoo warom ya ka lyngkhooh sngi yap wa 182 yong u Tirot Sing Syiem, da pynman ki da ka yalehke Basketball, ha madan yalehke Basketball ha Bosco Pnar Salini Colony, Mihmyntdu.
Ya kani ka yalehke da wan wai da u Jimmi Raul Kharmuti, uwa chna film Pnar wa pyrtuid ka Inamorato kawa daw pynmih ha kini ki bnai wa daw wan. Da yaroh u ya ka seiñ wa da kynmo ko ya uni u khlawait ka ri neibhah emkaam wow pyn yatylli ya ki paidbah.
Ha kani ka sngi da emlang leh u Waheh Chnong ka Salani Colony, u Roibok Synnah uwa da kitbok kitnasib ya ka seiñ wow bood ya ki ka nuksa wa bha u Tirot Sing Syiem.
Ya ka Basketball da pyllai da u Brother uwa man leh kam u Director yong ka Bosco Pnar Jowai. Ka yalehke da pynman hapyrdi ka HYC pyrchah ya ka Salani Colony da man ko kawa yoosuk wei hadooh wa kut ka yalehke ka Salani Colony da yoh ku 33 Point katwa ka HYC won da yoh ko 26 Point.
Kani toh katkam ka khubor ba u Sport secretary yong ka HYC u Pynishai Lathong.
Discussion about this post