Shillong: Ka HYC ynne ka sngi da kynmoo warom ko ya ka lyngkhooh sngi yap wa 25 yong u (T) Bull N Lyngdoh u uwi na ki khroo pyrkhat ka jaitbru Ynñiawtrep.
Ya kani ka lehwarom da pynman da ka HYC Malki Circle hei emlang ki dkhot ka Seiñbei, Shillong City, ki Rangbah Dong ka Malki, ka JSU Shillong Circle wa kiwa hayung u Bull N Lyngdoh.
Kiwa klam ha kani ka sngi da yaroh ki wa em kam uni u khroo pyrkhat uwa da kreh beibynta ka jaitbru.
Neiliang u Robertjune Kharjahrin, President ka HYC da ong u wa ha ka HYC u Bull Lyngdoh ym man u du uwa yahkhmat seiñbhalang tangwa u khlawait ka jaitbru deiwa kyntu ya kiwi wow bood ya ki dak-kjat yong oo.
Da pynsñiaw u leh wa ka HYC ym pdiang ko ya ka CAB 2019 wei daw yakhih ko pyrchah ya ka wei da beiñ u ya u lat ka jylla uwa da pynslem u mynjur ya ka MRSSA Amendment Ordinance 2019 ka Aiñ kawa em ki bor yong ka ILP wei da dawa u wa u lat toh u soi noh ya kani ka Ordinance.
Discussion about this post