15 49.0138 8.38624 1 0 4000 1 https://wyrta.com 300 0

Kynmoo warom ka HYC yaka lyngkhooh snem wa khlaad ki le ngut naka chnong Amlanai

0 Comments
Advertisement ad1

Jowai: Ynnin ka sngi ka 6 tarik, da kynmoo warom ka HYC Amlanai Unit yei dap lyngkhooh snem wa chi snem wa khlaad u waheh chnong ka Amlanai uwa man leh uwa e buit ka HYC Amlanai Unit u (L) Thomlin Surong wa ar ngut kiwa yahkhmat ka chnong.

Ha kani ka kynmoo warom da pynman deiwa suki kiaw chi minit wei wa i thang mombati heiwa da emlang leh kiwa yahkhmat ka HYC War Jaiñtia Circle, Jaiñtia Hills District, uwa pait yaka Jaiñtia Hills uwa man leh u Asst. Organising Secretary ka HYC CEC, u MDC ka thaaiñ wa kiwa chong chnong ka Amlanai, West Jaiñtia Hill District Amlarem Sub-Division.

Advertisement ad1

Ha katai ka sngi da yoh yei klam na u President ka HYC War Jaiñtia uwa ong wa ka War Jaiñtia ka emkaam ko ya kiwa yahkhmat wa chlur ki wow kit ya ka lyngkor ka imlang sahlang. Da ong u leh wa u dieñ wa mih soh wa bha barabor chah kawang moo u ha kiwi.

Ha i jooh i por u General Secretary ka HYC Jaiñtia Hills da ong u wa ym toh wow dooh kyrmen ya iwon iwon wa jia wei wow chaniah ha u Blai waroh neibhah u Thomlin da man u kam ka nongmuna wow yada ya kiwa dooh wa duk ka imlang sahlang.

Kamjooh leh u Asst. Organising Secy. ka HYC CEC da kitbok kitrwiang ko ya ka manyung kiwa da dooh yaka mynsien wa kordor wei wa u Blai u emlang u wa ki deilang wa i kyrkhu na u Blei Kynrad uwa booh wa thaw.

Also Read: Ka khubor wa dang yoh heiyatoh wa i chah tynyap u Waheh Chnong, Secretary Chnong wa uwi na Amlanai ha Trangblang, WJH

Advertisement ad1

0 Comments

Leave a Reply