Kamwa da kynmoo warom lang waroh kawi ka jylla, khamtam ha ri Khasi Jaiñtia, ka seiñ ki manbei na Jaiñtia Hills wa tip kam ka ka Jaiñtia Women Awakening Movement (JWAM) leh da kynmoo warom lang ko ynnin ka sngi ya ka lyngkhooh sngi yap wa 163 yong u Woh Kiang Nangbah u khlawait ka Ri Jaiñtia .
Ha kani ka sngi, ka seiñ hei yahkhmat ka President ka Risalangki Shylla, ka Finance Secretary ka Birginia Phawa wa ka Nika Sana da lai booh ki yow syntu ha tre mot u Woh Kiang Nangbah wa em ha Madiah Kmaiblai Syntu Ksiar, Jowai.
Chwa wow booh ya u syntu, da em i kynmoo warom deiwa suki chipor, wei ngoohblai na ka Nika Sana.
Ka seiñ da kynmoo warom ko leh yei chlur, yei len lade wei e kti lut uni u khlawait neibynta ka ri wa ka jaitbru deiwa hun wow yap ha u tylle pasi. Kani man ko ka nongmuna kawa emkaam u bood ya ki pateiñ kiwa katni.
Ka seiñ da e khublei snem thymme 2026 wasuk wakmen ko ya ki khon ka Ri Jaiñtia waroh deiwa ong wa e wa u Blai Trekirot Kynrad u e u yei kyrkhu kyrdoh hei khih hei khan, hei kaam hei jaam, hei kamai, i puræ puthi ha u snem 2026.
Discussion about this post