Ynne i janmiet ka Ladthadlaboh Youth Socio Organisation, chirup waka Dorbar Chnong Ladthadlaboh deilang waka VDP ka chnong da kynmoo warom ki ya kiwa da khlaad ha Mukroh hadien wa chah siat yap ya ki san ngut ha ka 22 tarik uni u bnai.
Chwa i thang mombati da yoh i klam na u waheh chnong ka Ladthadlaboh u LD Lakiang heiwa da ong u wa ini toh i wow pynsñiawlem ya ki mynsien wa da chah siat ha Mukroh wei ini man i i dak wa sñiawsih neibhah wa da chah siat ki hapyrdi wa lai khih lai kreh ki wow pyndap ha-yung ha-sem.
Da ong u wa katni emkaam yei chongsuk ha ka jylla wa ha ka District (East wa West Jaiñtia Hills) deiwa beiñ yeiwa leh ki pulit ka Assam wei ka sorkar toh u thooh ko ya ki laad ki luti wow pynbait noh ya waroh i jait hapoh ka jylla.
Ha kani ka janmiet ka dorbar chnong da thoh ko leh ya ki kyntien sñiawlem ya kiwa da khlaad kamjooh da kyntu leh wow wanrah biang ya i chongsuk.
