Kynmoo warom ka Lei Synchar Cultural Society ya u Kiang Nangbah ha Loom Mooliksoo

Kamwa da tiplang wa ka 30 tarik u Kmaichonglad toh ka sngi yap u Khlawait ka Ri 12 Dolloi u Kiang Nangbah, kamtæ ki dkhot ka Lei Synshar Cultural Society, Jaiñtia Hills dei sñiawkhia yei man kyrpang kani ka sngi da yooh kjat ki ha Loom Mooliksoo wei da pyndep ki leh yei ngoohblai ngoohsyiem wei thang mombati hei thaw wa da pynkhai pynyieñ ya u mot sahnaam sah kynmoo u Kiang Nangbah.

Ya ka yalang wa tbian yong i kynmoo warom ya u Kiang Nangbah da pynlai da ka Mina Laloo, President Lei Synshar Cultural Society katwa u Kamnipaia Challam, Secretary Lei Synshar Cultural Society da siang u wow e ki kyntien ngoohblai ngoohsyiem.

Kam wow pynkynmoo wa ynne da man ko leh ka lyngkhooh snem wa 160 nadooh wa khlaad u Kiang Nangbah ha u tylle pasi ka sorkar pharæng.