Kynmoo warom ka Marchaphrang Development Society ya ka sngi yap u Dr. Chibait Lhuid

Jowai : Ka Marchaphrang Development Society Jowai ynne ka sngi da pynman ko ya ka Swacch Bharat Swacch Vidyalaya ya ki khynnah skur ka chnong Ialong, ha Luti tuber Community Hall.

Ya kani ka program da leh kam ka dak wow kynmoo yei dap chi snem wa khlad u Dr. Chibait Lhuid.

Ha kani ka program u ma Hunbait Chyrmang, Vice President ka Society da man u kam u chongknor heiwa da ya suki kamwa chi minit wow kynmoo ya u ma Chibait Lhuid.

Da yoh leh yei klam na u kñi ka yung u ma K. Lhuid uwa da ekhublei ya ka Society wa da pynman ko kam ya kani ka program wei da e u yei yaroh ya u ma Chibait uwa da e i chakri cha ka imlang sahlang.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha kani ka yalang da puræ leh ya ka parom wa tbian yong u ma Chibait da u ma Oriland Shylla, Education Secretary ka Society, katwa u ma S.D Laloo da batai u ya ki khynnah chaphang i emkaam wow man ki kiwa lehkhooid ha ka yung ka sem kamjooh ha ka imlang sahlang kam chibynta yong ka Swacch Bharat Swacch Vidyalaya.

Ha kani ka sngi da e ya ki tiar ki tar kamjooh ki tin nohjhep cha ka skur, iwa pynbood won ya ki kyntien e khublei na u ma Niwanmi Passah uwa man leh u dkhot kani ka society.