Ka skurbah, North East Adventist University, Khliehtyrchi, West Jaiñtia Hills ynne ka sngi da lehwarom ko yaka Sngi ka Rymaw namo ka World Environment Day heiwa ka B. Blah, Block Development Officer yong ka Thadlaskein C&RD Block da man ko kam ka kongsan.
Ha kani ka sngi da yoh ya ki kyntien pdiang burom na ka Dafinia Passah yeiwa da pynbood ya i ngooh blai na u Andrew Zimik uwa man u Registrar kani ka skurbah.
Ka B. Blah hawa e yei klam da ong ko wa waroh ki bru em ki ka bynta wow yada ya ka rymaw.
Da ong ko wa ka phang yong kani ka sngi ha uni u snem toh wow kyrsu thiah ya ki bru wa em du kawi donhi ka pyrthai wei emkaam wow kreh chirup khnang wow ye u im ha ka deiwa kyntu ya waroh wow wanrah yei kylla ha ki thaw wa sah i.
Ha kani ka sngi da pynman ya ki yakob wa boonjait kam i dro dur, ka Recycling Art Competition, Debate Competition wei kamjooh leh da pynman ya i thung tre dieñ.
Da pynkut da ki kyntien khublei na ka Miss Beinonia.
