Kynmoo warom ka ri ya ka lyngkhooh snem wa jop ya ka thma Kargil

Ynne i step u montri rangbah ka jylla, u Conrad Sangma da lai booh syntu u ha u mot sahnaam ki chipai ka thaaiñ mihsngi wa kynthup ya u Capt. Clifford Nongrum na ka jylla uwa da khlaad heipor wa yakhun pyrchah ya ki chipai ka Pakistan ha ka thma Kargil yong u snem 1999 wei da booh syntu u leh ha u mot u Maj. David Manlun na Manipur uwa da khlaad ha u snem 2017.

Kam wow pynkynmoo heini, ka 26 Naiynñiaw yong u snem 1999 man ko ka sngi wow sah kynmoo ya ka ri India waroh kawi neibhah man ko ka sngi kawa tip leh kam ka Kargil Vijay Diwas heiwa ka India da jop ko ya ka thma Kargil pyrchah ya ka Pakistan deiwa yoh biang u knieh ya ki thaw ka ri na ki chipai Pakistan.

Kam wow pynkynmoo heini, ka 26 Naiynñiaw yong u snem 1999 man ko ka sngi wow sah kynmoo ya ka ri India waroh kawi neibhah man ko ka sngi kawa tip leh kam ka Kargil Vijay Diwas heiwa ka India da jop ko ya ka thma Kargil pyrchah ya ka Pakistan deiwa yoh biang u knieh ya ki thaw ka ri na ki chipai Pakistan.

Kani ka thma toh kawa da yaleh hapyrdi kini ki ar ri kawa da sdang hadien wa ki chipai ka Pakistan wa ki damok (Terrorist) wa kyrchaan ko da sdang psiah tooh ki chapoh u pood ka India ha ki thaaiñ ka Kargil District ha u Naisan 1999. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hadien ini ka India da sdang noh ko ya ka Operation Vijay wow beh ya ki chipai wa ki damok napoh u pood yong ka wei kani ka thma da neh ko kamwa ar bnai heiwa da em 527 ngut ki chipai India kiwa khlaad katwa ki chipai ka Pakistan da antaad wa em ki palat 700 ngut.

Kani ka thma da poi ko chawa kut ha ka 26 Naiynñiaw 1999 hadien wa ki chipai ka Pakistan da randien lut ki wei ki chipai India leh da yoh biang ki wow chimkti ya ki thaw na ki chipai ka Pakistan.

Kamtæ ka 26 u Naiynñiaw man ko kam ka sngi wow tip noh kam ka Kargil Vijay Diwas namo ka sngi wa jop ya ka thma Kargil heiwa da lehwarom ya ka wei da kynmoo leh ya ki chipai wa da khlaad kamjooh leh kiwi kiwa da embynta ha kani ka thma nadooh ki chipai ka Indian Army, Indian Air Force wa kiwi kiwi.

Ynne ka sngi neiliang u President ka ri, u Ramnath Kovind da lai booh syntu u ha Dagger War Memorial, Baramulla, Jammu & Kashmir kam ka dak wow kynmoo warom ya waroh ki chipai kiwa da dooh yei mynsien hawa yada ya ka ri.