Ynne ka sngi kawa man ka lyngkhooh snem wa 158 wa chah pasi u Kiang Nangbah, ka Seiñ Raij Niamtre Shillong da leh warom ko ya kani ka sngi ha ka Kiang Nangbah Cantonment Park Nongsohphoh (Naspatighari).
Ha kani ka sngi da em ka yalang wa pynlai da u President ka seiñ, u Joining Pde uwa da khana ya ka parom u Kiang Nangbah wa ka parom yong kani ka Park ya kawa da wai da u CEO warim ha ka 30 Kmaichonglad 1995.
Da pynkynmoo u yei sñiawngooh kyrpang ya i bynta wa da kreh u waheh Ohiwot Kyndiah (baam kwai ha dwar u Blai) heiwa yatoh wa kani ka Park.
Ha i klam neiliang u kñi, u M. Belbin Kyndiah da ngam yillu u ya ka parom u Woh Kiang Nangbah hei yakhun pyrchah ya ki pharæng.
Ya kani ka sngi da pynchongblai ya ka da ki kyntien ngoohblai wa kyrpang na u kñi Sienbeitki Challam.
