15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Lai beh ka KSU ya kiwa na Assam wa khloh moo ha Malidor

Advertisement ad1

Ka Khasi Students’ Union (KSU) Narpuh Circle ynne ka sngi ka 30 tarik da hiar jhan ki cha Malidor hadien wa yoh yutip ki na ki tre chnong wa ki nong Assam da ki phaw ngut da wan ki wow khloh moo pyrchah yaka aiñ na wah Malidor kawa dang haap hapoh u pood u ang ka jylla Meghalaya.

Kamtæ ka seiñ hapoh i yahkhmat u KS Suchiang u President wa u S. Bamon u General Secretary deilang wa ki dkhot da lai hiar ki wut wut cha katai ka wah Malidor wei da chem sakhiat da ki phaw ngut kiwa na Assam kiwa da khloh moo pyrchah yaka aiñ na katai ka wah wei da kit haki kari yong ki. Ka seiñ da phah ko ya kitai kiwa na Assam wow pynhaap smat ya ki moo wei da beh syndon ya ki deiwa maham wym toh de u wan muchlia næ leh heh chapoh u pood u ang ka jylla Meghalaya. 

Kam wow pynkynmoo wa ha ka 8 tarik u Naikhynde, ka seiñ da dep beh ko ya kiwa na Assam kiwa wan khloh moo na katai ka jooh ka thaw wei da yachem leh wa u DC hajrong ini tangwa da lyngngoh wa kammon kitai ki nong Assam da nood biang ki wow khloh moo pyrchah yaka aiñ na katai ka wah, iwa yoo lakam wa ki bor synchaar District ym nud ki wow leh iyi iyi leh hakhmat ka sorkar Assam.

Ka seiñ da pynbaad ko leh wa tlot i krehkaam ka chnat Forest kawa em ha Umkiang, Apha Range kawa toh u pait ya kitu ki thaaiñ wei kammon ka chnat ym yoo ko ya ini iwa ye u man wa em iyi re iyi cha kylla.

Ka kyrwoh na u SL Suchiang, Publicity Secretary ka KSU Narpuh Circle. 

Share this:
Previous

Lehwarom ka KNIKMS ya ka lyngkhooh snem sngi yap u Woh Kiang Nangbah

Next

Kynmoo warom ka Seiñ Raij Niamtre Shillong ya ka lyngkhooh snem sngi yap u Kiang Nangbah