Kynmoo warom ka TJSC ya ka sngi wa yoohjat u Tomas Jones ha ri-loom Khasi

Jowai: Ka Thomas Jones Synod College, Jowai ynne ka sngi da kynmoo warom ko ya ka sngi wa yooh kjat u Rev. Thomas Jones ha Ri-loom Khasi deiwa pynman da ka Symposium hajrong ka phang “ U Synniang u Rev. Thomas Jones Sha ka Jaitbynriew Khasi.”

Da wan u DM Wallang, ADM ka WJH kam u kongsan ha kani ka sngi hei emlang u Principal wa rim kani ka College u Tbn. B.N. Lamare.

U Kongsan hei klam yong oo da ong u wa 166 snem nachwa ha u snem 1841 ynne ka sngi u Thomas Jones da wan yooh kjat u ha ri-loom Khasi wei ym em sah slem u wei da liwan u cha West Bengal hadien wa khlaad ka kurim u wei ha i por wa khajiak wa em u da leh boon ki kaam wow yarap ya ka jaitbru.

Da kyntu u leh ya kiwa sikai kamjooh kiwa dang puræ yow thooh bniah yeidaw wa smat mih u na ri-loom Khasi wei em leh kiwa ong wa bia u leh waka khynnah wa dang 15 snem wei ha u snem 1849 ha u Naikhynde da khlaad u heipor wa dap u 39 snem.

Related posts

Yap uwi wa yarap wow sai ya ki ar ngut wa haap chapoh ka thlu um wa yillu 40 phut ha Jowai

July 25, 2024

Da toh ieh mylliñ ya kawi ka muna skur hawa chong Taxi ha Jowai

July 23, 2024

Hei yatoh won waka ktien Khasi da ong u wa ymtoh u sarom wow klam ya ka wei toh u sñiaw sarong u wow klam ya ka.

Ha kani ka sngi leh da em arngut kiwa e ya ka yutip wa chem ki nei thooh bniah ki chaphang u Thomas Jones. U Rev. Dr. G.B. Pohshna, Malki Presbyterain Church da klam u chaphang ki kaam wa bha wa leh u Thomas Jones ha ka imlang sahlang.

Da ong u wa u Thomas Jones da wanlang u waka kurim yong oo wei du hapoh 7-8 bnai da ye u klam yei ktien Khasi katkam wa klam ki ha Sohra. Da sdang u leh ya ka skur ha ka yung wa sah u.

U Thomas hadien wa yoo u wa ki Khasi chna pyrthap ki deiwa pynemkaam da ka wait da hikai u ya ki u pynemkaam da ka kharat yow lait u dieñ u sepai da hikai u ki leh wow tah moo, u saiñ nar, u rep slacha ha ki thaiñ Puriang wa kiwi kiwi de ki kaam.

Hadien wa yoo u wa ki yung yong ki duna khiandwar ki da hikai u ya ki wow chna khiandwar ki yow man ki kiwa leh khooid deiwa pynjngai ya ki mrad wa ri ki na ki yung yong ki.

Da yarap u leh ya ki wow leh pyrchah ya u Henry English uwa leh beiñ ya ki bru wa kreh ha ki paar mooyong hadien wa chim wai u ya ki thaw wei da pynkreh u pyn da ki tre thaw neibhah ki tre paar ymtip ki kammon u pyllai yaaw ya uni u mar pohkhyndaw.

U Dr. K. Phawa, Umshyrpi College, Shillong won da klam u chaphang ki kaam wa leh u Thomas Jones hei yatoh wa i thoh i taar.

Da ong u wa da sdang u Thomas Jones ya le tylli ki skur ha Mawsmai, Mawmluh wa ha Sohra. Heipor wa pynmih u ya ki dak Khasi da sdang deiwa em 21 tylli ki dak wei hadien boon snem won da pynmih sa ar tylli ki dak.

Ka kot Khasi wa nyngkong dooh wa pynmih hei ktien Khasi toh ka First Khasi Primer da pynmih u leh sa ka First Khasi Reader, ki kot chaphang i chait i khiah wei da kylla u ka ka New Testament ka Baible cha i ktien Khasi.

Neiliang ki khynnah puræ ka Thomas Jones won da leh ki da droma chaphang u Thomas Jones.