Jowai: Ka Women’s Welfare Organisation (WWO) kawi na ki chnat krehaam ka Seiñraij Jowai kawa toh u pait kyrpang yei miat i bha ki khon kynthai, ha kani ka sngi Hat 8 tarik u Wisu kam chibynta wow pynyoo i yaksohktilang hei kynmoo warom ya ka International Women’s Day, dachim ko wow pynman ka yachemlang ha yung Dorbar ka Seiñraij Jowai heiwa ka khyllood M. Shylla, Dairy Officer A.H & Veterinary Department, East Jaiñtia Hills District da man ko kam ka kongsan katwa ka Marsoodaki War, Agriculture Development Officer, Loomshnong Circle da man ko kam ka symbood kongsan hei sakhi emlang u Pa Dolloi ka Elaka Jowai u Puramon Kynjin, ki waheh wasian manbei manpa wa ki khynnah skur.
Ka mat kyrpang yong kani ka sngi ha uni u snem toh kawa ong, “Time is Now-Rural & Urban Activist Transforming Women’s Life’s”.
Ya ka yalang ha kani ka janmiet da pynlai da ka Meena Laloo, Chairperson WWO, Seinraij heiwa da kdar ko leh wow e ki kyntien yahkhmat heiyatoh wa kani ka sngi. Kam wow kdar luti chooh chooh ya ki bynta wa chakhmat neiliang ka Hima Lakiang, Vice Chairperson WWO, Seiñraij da yieñ ko wow siang ki kyntien ngoohblai ngoohsyiem katwa ha ka bynta wa kut wan ka Rilangki Dkhar, Secretary WWO, Seinraij da yieñ ko wow e ki kyntien khublei.
Ha kani ka sngi nalor i klam i kape da em leh i ekti ya ki prize cha ki manbei wa ki khon khyllood kiwa da yachimbynta ha ka Walkathon kawa da pynman hei por step neitæ chooh chooh da sakhi leh wa da pynphooh pynphieñ ya kani ka sngi dei chaad wa da pynyoo da ki khon khyllood ka Señraij.
Discussion about this post