15 49.0138 8.38624 1 0 4000 1 https://wyrta.com 300 0
Advertisement ad1

Kynmoo warom ya ka sngi ki khynnah wa khih mylla

0 Comments
Advertisement ad1

Jowai : Ka Jingiaseiñ Kynthai Presbyterian District Thadlaboh haka 10 tarik u Naiynru da pynman ki i kynmo warom ya ki khynnah wa chah yoobeiñ ha kiwa boon ki liang haka imlang sahlang heijooh i por da em leh i pynche hajrong wym hoi u pynkreh beiñ yaki khynnah wei ka phang yong uni u snem toh “End child laborer in supply chains”.

Ya kani ka kynmoo warom ya ka sngi ki khynnah wa chah lehbeiñ ha kiwa boon rukom kamjooh u pynche paidbah hajrong ka aiñ wow yada ya ki da pynman ha yung club ka dong Lumpyrtuh Mihmyntdu. Ya ka yalang da pyllai da ka kong M.K. Susngi, da puræ wei duwai naka kong Phoida Pale hei emlang ki paidbah khynnah skur kiwa sikai, wa kiwi kiwi.

Da wan u pynche da arngut ki bru chemphang u ma S.Lamin Inspector of Labour Department West Jaiñtia Hills, wa ka kong Z.J. Lyngdoh District Social Welfare Officer West Jaiñtia.

U ma S.Lamin da klam pynsñiawthooh u hajrong ka Child Labour Day katkam ka phang “End child laborer in supply chains” kamjooh i pynkrehkaam ya ka aiñ hei yatoh waki khynnah. Hei yatoh weini ong u ka International Labour Organisation da pyn kyrpang ko yaka 12 tarik wow kynmo warom ya ka sngi kitu ki khynnah wa chah lehbeiñ heiwon iwon i thaw wei katkam ka phnang toh u pyndooh pyndam noh nei pynkreh beiñ ya ki khynnah.

Natlor ini da klam u hajrong ka aiñ wow yada ya ki khynnah wa hapoh 14 snem, iwa mut wym hoi u pynkreh ya kiwon kiwon ki khynnah wa hapoh 14 snem i rta wei lada chem ye u pynchitom katkam ka aiñ dei wow kset patok 3 bnai hadooh chisnem næ u daiñ T. 10 hajar hadooh 20 hajar, wei em u pood wow kset wei wow daiñ kuna. Lada u jooh u bru wa chah kset manda lait jail pynkreh biang u ya ki khynnah daw chah pynchitom won u deiwa rap joor.

Oa ong leh wa hadooh katni dang boon ki khynnah wa chah pynkreh beiñ wei chah lehbeiñ heiwa boon rukom tang ym tip i, kamtæ kyntu u ya ki khynnah u wan ki chakhmat u pynsñiaw yei eh yow yoh ki i yada.

Ka kong Z.J.Lyngdoh won da klam ko hajrong ka hok yong ki khynnah dei wa ong em 40 tylli ki hok waki khynnah toh u yoh ki da kdaw ko kattu katni, ka hok wow roi u paar wa ka hok wow chim bynta.

Ong haroh ko neiliang ka Social Welfare deilang wa ki tnat krehkaam waphær waphær ka sorkar da yaleh ki u e ya ki hok yong ki khynnah kam i chait i khiah, i puræ puthi, u yada nei chah thombor nadooh napoh yung hadooh ha lait, u e ki training ya kitu wa duna hei doh i pran. Da batai ko leh hei yatoh wa ka POCSO Act wa ka Juvenile Justice Act wa kiwi kiwi.

Advertisement ad1

0 Comments

Leave a Reply