Kynreh Trading License ka HNYM nadooh na Mihmyntdu cha Jowai

Ynnin ka 29 tarik, ki dkhot ka HNYM-West Jaiñtia Hills hapoh i yahkmat u Leo Ferdinand Suiam wa u Working President, u Iohbait Shadap da lai kynreh Trading wa Labour License ki nadooh na Mihmyntdu hadooh wa poi ha Gate Laban, Jowai.

Ha ini i lai kynreh da chem wa em boon ki baar jylla ki wym biang ya ki kot ki sla wei ym em pynthymme ki ya ki Labour License wa kamjooh ki Trading License wei neiliang ka seiñ da e por ko chi tayaaw  wow leh ki yeini.

Ka seiñ da maham ko leh wa lada ym leh ki yeini daw khang syndon ko yei dukan yong ki wei kitu kiwa wan khih won khlem da biang ki Labour License daw leh deiwa eh ya ki wot hadooh wow beh noh ki.

Related posts

Lai sylli ka PAC yei pynkrehkaam ya ka MHIS ha ki thaw sumaar

November 17, 2025

Wym bien ka sorkar u klam che lada u su yei hok kiwa kreh Muster Roll, pynbna pynman dorbar bah ha Shillong

November 17, 2025

Heini i lai kynreh da chem leh wym em che bha i rukom e Trading wa Labour License ka JHADC, kamtæ ka seiñ da kyntu ko ya ka Council wow pait bniah bha ya ki baar jylla yow pyntikna wa pynbiang ki ya ki kot ki sla.

Ka seiñ da phah ko ya ka khubor wa che wa hawa wan kamai ya ka spah napoh Ri Jaiñtia ymtoh khlem da pynbiang ya ki kot ki sla wei khlem ki kot ki sla ymtoh tang u wan yooh kjat leh.