Ka Khasi Students’ Union-Wahiajer Unit hapoh i yahkhmat u Acting President yong ka, u Wanshanbormi Laloo ryngkat wa ki dkhot ynnin ka sngi da lai kynreh Trading License ki ya ki baar jylla kiwa chong dai madan ha Iawpynsin Wahiajer heiwa da chem ki wa kini ki baar jylla em ki ya ki Trading Licence wa da kut por khlem pynthymme de.
Hajrong ini neiliang ka seiñ da phah pynlang ko ya ki tiar yong ki wei da maham ko leh ya kini ki baar jylla wa lada ym pynbiang ki ya ki kot ki sla ymtoh de wow wan chongdai ki ha kani ka yaaw,
Ka KSU da kyrpaad ko leh ya ka District Council wow paitsiar ko ya kam kini ki baar jylla wa wan kamai khlem ki kot ki sla wa biang wei wow bichaar bniah noh khnang wow imja ki tre ri-loom leh kamjooh.
Ki dkhot da ong ki leh wa kini ki baar jylla toh kiwa chong wa sah wei kiwa dai mar ha Jowai bait kamtæ hajrong ini neiliang ka seiñ da kyntu ko ya ki bor wow leh yeiwa emkaam.
Da chem leh wa ki kot Trading License toh ki wym em kyndon wa i por ynne wei hadooh katwon ye ki wow kamai.
