Ka Meghalaya da rem ko ya ka yalehke wa nyngkong yong ka ha ka Vinoo Mankad Trophy kawa man ka One Day Tournament U-19 Boys da 7 Wicket ha ka Odisha kawa da pynman ha Pune ynne ka sngi.
Ya ka Meghalaya da phah Bat nyngkong ya ka da ka Odisha kawa jop ya ka kylla-khlem, wei da sdang ki deiwa bha heiwa da kamai 43 Run neibynta ka Wicket wa nyngkong hapyrdi u Mrityunjay Bharali (21) wa u Mrinal Das (13).
Hadien wa haap u Bharali uwa man leh kam u Captain ka Meghalaya da dooh ko 5 Wicket deiwa kamai 14 Run.
Da pynim kajiak dei kamai u Shavian Blah (11) wa u Banialam Mylliemngap (13) wa ka 25 Run hapyrdi u Jeremiah L Kynshi (7 Not Out) wa u Gavineal Marpna (9) tangwa hawa kut da haap lut ki Wicket heiwa ka Meghalaya da kamai ko 104 Run na ki 45.2 Over.
Hawa kawang bol, u Bharat Gurung da yoh u 1/13 wa u Raghav Magotra 1/36 katwa kawi ka Wicket da haap deiwa Run Out wa leh da u Mylliemngap.
Ka Odisha da poi ko cha ka thong ha ka 21.3 Over.
Ka Meghalaya kattu daw yachem ko waka Goa mynstep.
