15 49.0138 8.38624 1 0 4000 1 https://wyrta.com 300 0

Kyntait biang ka SC wow chah u challan ya u mooyong wa dep kit

0 Comments
Advertisement ad1

Jowai: I chong bichaar ya ka mukotduma heiyatoh wa i chah khang tih mooyong da pynman ya ka ynne ka sngi hapoh ka Supreme Court.

Ka yung bichaar da kyntait ko wow chah u challan ya u mooyong wa da dep kit deiwa ong wa lada chah u challan ya u mooyong daw pynchlur ko yei tih mooyong wa pyrchah ya ka aiñ.

Advertisement ad1

Ka Supreme Court leh da ong ko wa ym bien de wow pdiang ya ki Interlocutory Application namo wow ap ya ki kyrpaad wow chah u challan ya u mooyong.

Ya kani ka mukotduma daw chong bichaar biang haka 24-04-19.

Ynne ka sngi neiliang ka sorkar Meghalaya leh da booh IA ki wow pynsangeh ya ka daiñ kuna wa T. 100 Klur wa booh da ka NGT, wei neidaw wa man ko ka sien wa nyngkong wa wanrah ya ya kani ka kaam da phah ya waroh arliang wow pynbiang ki yei jubab.

Kiwi de ki IA wa da e ynne ka sngi toh na ki bru samen kiwa kwah u challan ya u mooyong wa da dep tih wei ya ini daw chong bichaar biang haka tarik wa da booh.

Neiliang u muktiar u Lber Laloo wa kiwi ki muktiar wa mihkhmat ya ka jylla da ong ki wa emkaam u pynman noh yaka chong bichaar wa khaddooh tangwa da em kiwa na ri-loom Garo kiwa pyrchah u pyllait u challan mooyong kamjooh wow tih mooyong deiwa ong wa i tih mooyong pyrchah ya ka aiñ dang pteiñ hi i wei ka sorkar ym em leh ko iyi iyi leh ya ini wei da kyrpaad ki naka yung bichaar wow phah ya ka sorkar wow kem lut ya u mooyong wei wow dai lilam noh oo.

Ka Supreme Court da phah ko wow wanrah ya ka Report ka Technical Committee wa hadooh katwon em u mooyong wa da dep tih wei wow pyntip ya ini chwa wow chong bichaar biang.

Neiliang ka sorkar pyrdi ym ye ko u e ya ka Status Report heiyatoh wa i toh mooyong hapoh ka jylla kamwa da phah ya ki da ka Supreme Court.

Haka 24 tarik daw chong bichaar chwa nyngkong ya ka mukotduma u Lber Laloo kawa toh neibhah i wai noh yei tih mooyong wei ya kiwi ki IA daw ap ya ki kawi pa kawi.

Advertisement ad1

0 Comments

Leave a Reply