Ka bei u Raj Singh Kushwaha da kyntait ko wa u khon ko ye u wow emkti hei pynyap ya u Raja Raghuvanshi deiwa ong wa u khon ko ym ye u wow leh yeini i kaam.
Da ong ko wa u Raj toh uwa dang khian rta wei toh oo wa pait ya ki le ngut ki diah kynthai u hadien wa khlaad noh u pa u ha u snem 2020.
Da khana ko wa u Raj da kreh u ha ka yung krehkaam u Govind (u payu ka Sonam) wei ym tip ko wa yalang chan u wa ka Sonam wei da em kiwa leh yeini yow æiñ oo da ki bru wym tipmit.
Da paan yarap ko ya u khon ko neibhah ka ym tip ko kammon u lai cha Meghalaya wei ym em wa bien u lai yah ka.
Neiliang won ka diah u Raj da ong ko wa oo toh uwa dang 21 snem katwa ka Sonam won em ko 24 snem wei jooh khut u ka kam ka Didi wei da yaklam ki du neibynta ki kaam wa yatoh wa i khih i khan.
Da khana ko leh wa jooh Phone ko oo hei step wei em i por da jooh jubab da ki heiwa da ong donhi ko wa da toh i por wow poi chei thaw kreh wei da kreh u wa ka la ar snem.
Da kdaw ko leh wa u Raj em u ha Indore ha ka 23 tarik u Naisan kawa man ka sngi wa chah pynyap u Raja.
Chooh chooh da ong ko wa ha ka sngi wa bia ka Sonam wa u Raja ki ym em lai ki neibhah ka 11 tarik u Naisan man ko leh ka sngi wa yap u pa ki ha u 2020 wei ki da liwan ki cha chnong ki katwa u Raj da lai u cha Indore yow su ya ka bai yung.
Kamtæ da kyntait ko wa u payu ko ye u wow emkti wow leh yeini i kaam wei kreh u wa ka Sonam kamjooh hi wot hadien wa bia ko wei chwa u bia ko.
Hajrong ini ka leh da paan yarap ko neibynta u Raj.
Discussion about this post