Hadien wa chem yei metyap u Kyrshan Lamurong uwa da wiar nadooh ka 15 tarik u June 2026, da yoh ki pulit wow kem ya le ngut heiwa uwi na ki toh uwa tip kam u Tensing Dkhar (34 snem) uwa khut siñ kam u Arki, da kam u wa i chnong u toh na Mulait Sumer kawa man leh ka chnong Mulait Bri-Sumer wa em ha East Jaiñtia Hills.
Heiyatoh wa ini, neiliang u Waheh Chnong ka Mulait Sumer, u Defender Pakem da pynche u wa u Tensing ymtoh uwa chong chnong ka Mulait Bri-Sumer.
Chooh chooh da ong u wa em hi ki kur ki jait u Tensing hapoh ka chnong tangwa ka bei u ymtoh kawa chong wa sah hapoh ka chnong Mulait Bri-Sumer wei i chnong ki toh na iwi hi heiwa i pyrtuid u Tensing toh kawa em ha kawi won ka chnong wa em chajan hi katkam wa mih hapoh ka Electoral Roll.
Kamtæ da kyntu ya phi ki paidbah wym toh u kheiñ phi wa u Tensing toh uwa chong chnong ka Mulait Sumer.
Discussion about this post