Kyntait ka KHADC wow e Trading License ya ka Blinkit

I angnood ka Blinkit wow pynkrai yei kreh sa ha Meghalaya da tyngkhooh moochynthut i hadien wa ka Khasi Hills Autonomous District Council (KHADC) da kyntait ko wow e Trading License ya kani ka Company.

Ka Council da ong ko wa ka Blinkit daw ktah ko ya ki palat 4,000 tylli ki dukan wa em ha Shillong wa kiwi ki thaw kiwa dai jhoor, dai doh, dai baam wa kiwi de ki mar.

Neiliang ka Blinkit da angnood ko wow sdang krehkaam ha Meghalaya deiwa yakut leh wa ki spah ngut ki Delivery Partner tangwa daw sepai noh i nei wym yoh ya ka Trading License na ka KHADC.

U Chief Executive Member (CEM) ka Council, u Winston Tony Lyngdoh da ong u wa i wym ye u e Trading License toh wa daw ktah i kreh ka Blinkit ya kiwa dai dukan hapoh u pood ka Council.

Related posts

Phah ka Consumer Court ya ka Maruti wow e da ka kari thymme ya uwa ujor wa sih ka kari neiwa pynemkaam yei phñiang E20

July 16, 2026

U hær noh ki lieñsuiñ na Guwahati cha Dubai wa Abu Dhabi | Da sdang dai Ticket

July 16, 2026

Hanlada ka Blinkit da yoh No Objection Certificate (NOC) ko na Nongrim Hills tangwa ym em yohbor won ko na ka KHADC.

Ka KHADC da jooh leh teiñ ko kamni wow dam u e Trading License kam ya ka Instamart wa kiwi neibhah wa ktah i kreh ki ya ki tre chnong wa em dukan.