Jowai: Ka seiñ Khasi Jaiñtia National Union (KJNU) Central Body, da kyntait ko waroh yeiwa pynche u General Secretary warim ka seiñ u Bishar Samayang heiwa da ong u wa ym em khrong poisa be-aiñ u.
Ka seiñ lyngba ka Balarina Shullai President ka Women’s Wing da ong ko wa i kam u Bishar wa oo yoh bor u na u DC toh iwa bakla neibhah oo e bor u ya ka KJNU Saphai Unit ym toh ya u Bishar Samayang neibhah i ebor toh yow pynman ya ka Meghalaya Cultural and Traditional Programme kawa dep pynman haka 17 Kmaichonglad (December) 2016.
Katkam ka NOC Dated 22.11.2016 No.Gen.34/Pt-II/2008-09/20, da ong wa ka NOC toh wow khrong poisa (Donation) na ki paidbah yong ka West Jaiñtia Hills katwa u Bishar won da khrong poisa u neibynta ka Programme chadooh cha Ratacherra East Jaiñtia Hills wei da lai u samen samen wei oo leh ym toh u dkhot ka Saphai Unit wei da kam u wa oo toh u General Secretary yong ka.
Ka seiñ leh da ong ko wa da khrong poisa u na yaaw Lad Rymbai ha ka 01 Wisu (March) 2017 neithaw wa chong pynman yakhle beaiñ wei da ong toh da khrong poisa u katkam i hukum u president ka seiñ.
Da pyntip leh wa ka seiñ jooh phone ki ya u Bishar na i por cha i por yow wan u cha ki yalang ka seiñ tangwa ym jooh phone ki oo wei toh oo hi wa thmu wow tympiah ya ka seiñ.
Ka seiñ leh da ong ko wa lada kwah u Bishar u thaad madan chooh chooh ya ki kaam sih yong oo dang boon wa em ki, wei yei kam u wa kiwa ya kkhmat ya ka seiñ toh du kiwa beij hi, ka seiñ da jubab ko deiwa ong wa ki dkhot ka seiñ toh du kiwa stat wa kiwa khroo i pyrkhat.
Also Read: I kynnoh wa khrong poisa tooh ka KJNU toh iwa khlem nongrim: B. Samayang
Discussion about this post