Ka Ministry of Home Affairs (MHA) da kyntait ko yei dawa ki seiñ ki jaitbru Kuki-Zo wow pynmih ya ka Union Territory chirup wa ka dorbar chna aiñ (Legislature) ya ki jaitbru Kuki-Zo ka Manipur.
Ka MHA wa kiwa mihkhmat ki seiñbhalang wa seiñ kieñ suloi ka jaitbru Kuki-Zo hapoh ka Suspension of Operation (SoO) – ka Kuki National Organisation (KNO) wa ka United People’s Front (UPF) – da chong yaklam ki ha ka 6-7 tarik uni u bnai ha nongbah New Delhi heiyatoh wa i dawa Union Territory chirup wa ka Legislative Assembly.
Ka KNO wa ka UPF, ha ka yalang wa u A.K. Mishra, Adviser ka North-East ha MHA da ban joor ki ya ka sorkar India heiyatoh wa synjor i chongsuk ki jaitbru Kuki-Zo heiwa i rukom krehkaam katni man iwa tlot bha.
Ka KNO/UPF da kyntu ki ya ka sorkar wow pynchong yurim bha yei dawa yong ki neibhah wa ka riti synchaar man ko hajrong yong ka thong krehkaam ka sorkar.
Da kdaw ki wa katkam wa man katni i chngaaiñ ya ki wow imlang wa ki Meitei man iwa dang jwat wei emkaam u pynkrehkaam ya ki kyndon ka riti synchaar ka ri wow yada yei hok ki jaitbru Kuki-Zo.
Nadooh wa sdang i kynaad ha ka 3 tarik u bnai May 2023 da em palat 260 ngut kiwa da yap, patlat 1,500 ngut kiwa mynsoo wa palat 70,000 ngut kiwa da hap yut chnong.
Ka Manipur da em ko hapoh ka President’s Rule nadooh u February uni u snem hadien wa hiar chuki u N. Biren Singh kam u Chief Minister wei ka Assembly ka Manipur wa em 60 ngut ki MLA ym em de krehkaam ko wei ka samoi krehkaam kiwa kattæ toh hadooh u 2027.
Discussion about this post