Kyntait ka Mookhep wa ka Thlukure Wahtongtiang em ko hapoh ka Wapungskur

Ynnin katkam ka khubor wa pynmih u Waheh Chnong ka Wapungskur lyngba u Wyrta da pynsñiaw u wa thaw kawa pyrtuid “Thlukure Wahtongtiang” toh ka thaw wa em hapoh u pood u ang yong ka chnong Wapungskur, East Jaiñtia Hills.

Neiliang ka chnong Mookhep chem ko wa katu ka thaw em ko hapoh u pood u ang yong ka chnong Mookhep katkam ki kot ki sla (Document) kiwa em ha ki.

Da ong leh wa ki dkhot Executive Committee ka Mookhep ha ki snem wa dadep da yachem ki wa kattu katni ngut ki bru yong ka Wapungskur chirup wa u Waheh Chnong warim yong ka khnang wow yoh u sylli ya u pood u ang tangwa dang sahteiñ i hadooh katni wei dang kynrum kynram sa chiteiñ u pood.

Kamtæ neiliang ka chnong Mookhep kwah ko u yaklam yasuk neibynta kani ka thaw khnang wow yoh u lait na iwon iwon ki jia wa sñiawsih kamjooh i awri awra hadien habood.

Related posts

Wym yoh ya ka tulop wa Rs. 10,000 thang uwa kreh ya ki mar wa Rs. 24 klur

September 23, 2026

I pynbait pood wa ka Assam dang pteiñ i hadooh katni: Conrad

September 23, 2026

Neiliang ka Dorbar Chnong Mookhep da maham ko u lai cha ki bor ka aiñ neibynta wow pynbait noh ya u pood u ang yong ka chnong.