Ka Supreme Court ynne da kyntait ko ya ka mukotduma wow pynsangeh noh yei pasi kam iwi i rukom pynchitom iwa ym rap kjut ware kam dei Inject dawai wa kiwi.
Ka miej bichaar u Justice Vikram Nath wa u Justice Sandeep Mehta da bichaar ki ya kani ka mukotduma.
Hei bichaar da ong wa i rai ymtoh u kut i ynne wei ye leh u chong bichaar yeini mynried deiwa pynchong yurim ya ki sabut katkam ka stat Science wei lada em kiwi ki laad wow pynkut yei mynsien bru deiwi tawon lait nei pasi.
Chooh chooh da ong ko wa ka sorkar ye ko leh wow pyrkhat yeini i kaam.
Katkam ka mukotduma u muktiar Rishi Malhotra wa ujor ha u 2017, da ong wa i pasi man iwa kjut, i wym yahaap kamjooh iwa sih, kamtæ da tyrwa u deiwa leh ya ka Lethal Injection, i siat, i pynemkaam da ka bordiñ næ Gas Chamber iwa ye u pynkut yei mynsien uwa chah rai pynrem pyn hapoh ki minit.
Da ong u leh wa chimpor hadooh 40 minit wow tip wa da yap u bru dei pasi katwa kiwi ki luti du hapoh kattu katni minit donhi.
Discussion about this post