Kiwa ha-yung yong u Ramanuj Goswami, uwa tynyap wei ah lyngkhot ya ka kurim u, ka Riya Talukdar Goswami (25 snem), da kyntait ki wow chim yei metyap u hadien wa yap u ynne i step.
U Ramanuj da yap u ha Narakasur Hill heipor 3:00 waje i step katwa dang kit ya oo cha Gauhati Medical College and Hospital (GMCH) heiwa da em ka khubor wa da ong wa wai syndet u ya ka dwar dien ka kari pulit heipor wa dang lai ko wei hawa kynthiar u cha lait da mynsoo joor i bynta i khlieh u.
Em won kiwa ong wa hadien wa kynthiar u napoh kari da noh yap u cha synrang, wei em won leh kiwa ong wa sait ki pulit oo heipor wa dang yut u hadien wa kynthiar napoh kari.
Hadien wa poi i metyap hapoh ka Gauhati Medical College & Hospital, neiliang ki bor ka Hospital da ong ki wym em kha kuli wei da yap u Ramanuj neidaw wa mynsoo u.
Kiwa ha-yung u da ong ki wa ym wan pait wei ym chimkti ki yei metyap u wei da e kti yei metyap yong oo cha ki paidbah.
U pa yong oo da ong u wa da e kti ki yeini i kaam waroh ha kti ka sorkar Assam, ka Supreme Court wa ka Gauhati High Court.
Discussion about this post